Для лучшей работы сайта мы используем куки
Chet ellik fuqaro militsiyaga zo’ravonlik bayoni bilan qanday murojaat qilishi haqida 6 savol
20 iyul, 2022 yil
Agar ayol boshqa davlat hududida jismoniy zo‘ravonlik (masalan, kaltaklash) yoki jinsiy zo‘ravonlikdan aziyat chekkan bo‘lsa, politsiyaga murojaat qilishning ma‘nosi yo‘qdek tuyulishi mumkin. Ammo bu unday emas. Zo‘ravonlik  "oilaviy yoki shaxsiy masala" emas, hatto oila yoki yaqin munosabatlar doirasida sodir etilgan bo‘lsa ham. Zo‘ravonlik qayerda sodir bo‘lishidan qat’i nazar, har doim jinoyat hisoblanadi. Har qanday davlatning huquqni muhofaza qilish organlariga murojaat qilish - o‘zingizni va huquqlaringizni himoya qilish, shuningdek, aybdorni javobgarlikka tortish uchun zarur bo‘lgan majburiy minimaldir. 
MUHIM
Istalgan vaqtda, hatto tanada hech qanday iz qolmagan bo‘lsa ham, zo‘ravonlik haqida xabar berish mumkin va kerak. Ammo zo‘ravonlikka uchraganingizdan keyin politsiyaga qanchalik tez murojaat qilsangiz, tajovuzkorning jazolanish ehtimoli shunchalik yuqori bo‘ladi.
Agar siz chet el fuqarosi bo‘lsangiz, Rossiya politsiyasiga qanday murojaat qilishingiz kerakligi haqidagi eng keng tarqalgan savollarga javob berdik.
1. Men Rossiyada zo‘ravonlikdan aziyat chekdim, lekin menda Rossiya fuqaroligi yo‘q. Politsiyaga murojaat qilish huquqim bormi?
Ha, bor. Siz mamlakatda qonuniy yoki noqonuniy turishingizdan qat’i nazar, murojaat qilish tartibi va siz uchun yordam olish huquqi Rossiya Federatsiyasi fuqarolariniki bilan bir xil.
Politsiyaga bir necha usul bilan murojaat qilishingiz mumkin:
· 102 (politsiya) yoki 112 (yagona ishonch telefon raqami) ga qo‘ng‘iroq qiling. Agar hozir siz bilan muloqotda zo‘ravonlikka yo‘l qo‘yishayotgan bo‘lishsa, politsiyaga qo‘ng‘iroq qiling va hayotingiz xavf ostida ekanligi haqida xabar bering. Sizga politsiya xodimlari yuboriladi va ular sizning yozma arizangizni oladi yoki siz bilan gaplashib yozib olishadi.
  • Har qanday politsiya bo‘limiga kelib, mustaqil murojaat qilishingiz mumkin.
  • Agar siz hozir tahdid ostida bo‘lmasangiz va xavfsiz joyda turgan bo‘lsangiz, onlayn ariza bering. Bunday holda, siz hech qanday joyga borishingiz shart emas, ariza yo‘qolmaydi va u, albatta, ko‘rib chiqiladi, ammo ko‘rib chiqish ko‘proq vaqt talab qilishi mumkin.‌‌
Ariza erkin shaklda tuziladi, ammo unda quyidagilar ko‘rsatilishi kerak:
1. Murojaat yuborilayotgan ichki ishlar organining nomi, yoki ichki ishlar organi mansabdor shaxsining familiyasi, ismi va otasining ismi, yoki uning lavozimi. Politsiya bo‘limida ko‘rsatilishi kerak bo‘lgan namunadan foydalaning yoki sahifaning yuqori qismida "sarlavha" uchun bo‘sh joy qoldiring.
2. Familiyangiz, ismingiz va otangizning ismi (agar mavjud bo‘lsa, oxirgisi).
3. Murojaatga javob yoki bildirishnoman yo‘naltiriladigan manzil.
4. Sizning kontaktlaringiz: elektron pochta va telefon raqamingiz.
5. Qilingan zo‘ravonlikning tavsifi: qachon, qayerda, kim tomonidan va aniq nima sodir etilganligi haqidagi savollarga javob bering, shuningdek, jinoyat sifatida tasniflanishi mumkin bo‘lgan barcha ma’lum, aniq harakatlar tafsilotlarini sanab o‘ting (masalan, "urish", " o‘ldirish bilan qo‘rqitish" va shunga o‘xshash) va og‘irlashtiruvchi holatlar ("bir guruh shaxslar tomonidan", "bilib turib zaif holatda" va shunga o‘xshash). Bundan tashqari, zo‘ravonlik muallifi yoki mualliflari haqidagi barcha siz biladigan ma‘lumotlarni kiritishni unutmang: to‘liq ism-sharifi, tug‘ilgan sana, yashash manzili, aloqa ma’lumotlari.
6. Huquqni muhofaza qilish organlaridan so‘rayotgan arizangizda: “Tekshirish va javobgarlikka tortishingizni soʻrayman (kim: toʻliq ismi-sharifi va zoʻravonlik muallifining boshqa maʼlum maʼlumotlari)” iborasini qoʻshishni unutmang.
7. Shaxsiy imzo va murojaat sanasi.

Politsiya xodimlari sizga qog‘oz, qalam, ariza namunasi va uni yozishingiz mumkin bo‘lgan joyni berishlari shart. Bayonot navbatchiga topshirilgandan so‘ng, tergovchiga tushuntirish berishni kutganingiz ma’qul. Muhim: har qanday holatda, arizangiz qabul qilinganligini tasdiqlovchi bildirishnoma kuponini olishni unutmang.

Politsiyaga murojaat qilishning qanday shakli tanlanishidan qat’i nazar, Fond mutaxassisi arizani to‘ldirish va topshirishga yordam beradi.

Agar sizga yordam kerak bo‘lsa, biz bilan bog‘laning!
2. Men rus tilida yaxshi yoza olmayman va gapira olmayman, qanday qilib militsiyaga ariza yozishim mumkin?
Siz mustaqil yoki yolg‘iz ariza topshirishingiz shart emas. Agar sizning o‘rningizga yoki siz bilan birga rus tilini yaxshi biladigan boshqa birov - qarindoshlar, dugonalar, tanishlar yoki Fond mutaxassisi murojaat qilishga tayyor bo‘lsa, u holda bu odam siz bilan politsiyaga murojaat qilishi yoki sizga  bunda yordam berishi mumkin. Bu holda arizaning mazmuni bir xil bo‘lib qoladi.

Muhim: ariza qabul qilingandan so‘ng, siz, jabrlanuvchi, tergovchi bilan suhbatga shaxsan taklif qilinasiz va siz hech bo‘lmaganda eng asosiy savollarga javob berishingiz kerak (zo‘ravonlik bo‘lganini tasdiqlash, tajovuzkorning ismini aytish va hokazo).


Agar sizga yordam kerak bo‘lsa, biz bilan bog‘laning!
3. Men qonuniy ravishda mamlakatdaman, lekin barcha hujjatlarim erim / qarindoshim / ish beruvchimda. Nima qilishim kerak?
Agar sizning hujjatlaringiz turmush o‘rtog‘ingiz, qarindoshingiz yoki ish beruvchingizda bo‘lsa va siz ular bilan bog‘lanish imkoniga ega bo‘lmasangiz, sizning murojaatingiz baribir politsiya tomonidan qabul qilinadi. Ammo bu holat haqida ham ichki ishlar organlariga bildirilishi kerak - hujjatlaringizni saqlash noqonuniy bo‘lsa, bu alohida jinoyat. Ertami-kechmi sizga hujjatlaringiz kerak bo‘ladi, hatto ularni ushlab turgan kishi sizni aksincha ishontirayotgan bo‘lsa ham.
Shaxsiy hujjatlar bilan bog‘liq asosiy xavfsizlik choralarini yodda tuting:
  • Hech kimga hech qanday bahona bilan hujjatlaringizni bermang;
  • Barcha hujjatlaringizning nusxalarini saqlashga harakat qiling;
  • Siz kelgan mamlakat konsulligining aloqa kontaktlarini olib qo‘ying;
  • Hujjatlar yo‘qolgan yoki qayerdadir ushlanib qolgan taqdirda, yaqinlaringizning kontaktlari bo‘lsin, ular sizning vataningizdan hujjatlarni ilgari olganligingiz to‘g‘risida darhol ma’lumotnoma yuborishlari mumkin.

Agar sizga yordam kerak bo‘lsa, biz bilan bog‘laning!
4. Hujjatlarimni yo‘qotib qo‘ydim / Men noqonuniy ravishda mamlakatdaman. Politsiyaga qanday murojaat qilishim mumkin?
Sizning sog‘lig‘ingiz va hayotingizga bo‘lgan zo‘ravonlik tahdidi - hujjatlarni yo‘qotish yoki hatto migratsiya rejimini buzishdan ham jiddiyroq va xavflidir. Shuning uchun, har qanday holatda, agar siz zo‘ravonlikni boshdan kechirgan bo‘lsangiz, politsiyaga murojaat qiling.
Hujjatlaringizni yo‘qotgan bo‘lsangiz, ularni 3 kun ichida tiklash uchun politsiyaga murojaat qiling.

Maqomingizni to‘g‘irlab olish uchun mamlakatingiz elchixonasi yoki politsiya bo‘limiga murojaat qiling. Ushbu materialda Rossiya Federatsiyasining migratsiya qonunchiligini buzganlik uchun javobgarlik haqida o‘qishingiz mumkin. Migratsiya qonunchiligiga oid shu va boshqa materiallar qirg‘iz, o‘zbek va tojik tillarida migrussia.ru axborot portalida keltirilgan. 

Agar sizga yordam kerak bo‘lsa, biz bilan bog‘laning!
5. Agar arizam qabul qilinmasa nima qilishim kerak?
MUHIM

agar siz quyidagilarga duch kelsangiz:

  • arizangiz qabul qilinmasa,
  • politsiya xodimlari harakatsiz yoki aksincha, o‘z vakolatlarini oshirib yuborishsa - qo‘rqitish, haqorat qilish va hokazo,
  • ular sizdan pora talab qilsalar yoki "muzokara qilishni" taklif qilishsa,

va boshqa noqonuniy xatti-harakatlar uchun siz ular ustidan shikoyat qilish huquqiga egasiz.

Avvalo, beydjik yoki ko‘krak nishonidan militsiya xodimining ma’lumotlarini yozib oling, ichki ishlar bo‘limi boshlig‘i yoki uning o‘rinbosarini chaqirishlarini so‘rang va ularga navbatchining noqonuniy xatti-harakatlari haqida xabar bering. Agar xodim rahbariyatni taklif qilishdan bosh tortsa, siz:
  • 112 favqulodda xizmatlar qisqa raqamiga, 
  • Rossiya Ichki ishlar vazirligining 8-800-222-74-47 bepul ishonch telefoniga,
  • Sizning mavzuyingiz bo‘yicha prokuratura organlariga,
qo‘ng‘iroq qiling va operatorga arizangiz qabul qilinmaganligini ayting.
Politsiya bilan qanday munosabatda bo‘lish haqida ko‘proq ma‘lumot olish uchun ushbu materialni o‘qing. Migratsiya masalalariga oid ushbu va boshqa materiallar qirg‘iz, o‘zbek va tojik tillarida migrussia.ru axborot portalida keltirilgan.
Unutmang, Rossiya Federatsiyasi qonunlarida nazarda tutilgan huquqbuzar harakati uchun javobgarlikni talab qilish huquqiga ega ekasiz. Siz sodir etilgan zo‘ravonlik uchun aybdor emassiz. Agar sizga yordam kerak bo‘lsa, biz bilan bog‘laning!
6. Agar politsiyaga shikoyat qilsam, tajovuzkor qanday javobgarlikka tortiladi?
Sizning eringiz yoki qarindoshingiz Rossiya fuqaroligiga ega bo‘lmasa-da, lekin Rossiya hududida noqonuniy xatti-harakatlar sodir etsa, u ushbu davlat qonunlariga muvofiq jazolanadi. Kaltaklash, qiynoqqa solish, badanga shikast yetkazish, jinsiy zo‘ravonlik va boshqa turdagi oilaviy zo‘ravonlik noqonuniy hisoblanadi hamda jinoiy yoki ma’muriy javobgarlikka tortiladi! Shuning uchun politsiyaga murojaat qilish mantiqan to‘g‘ri hisoblanadi. Huquqlaringiz, sog‘lig‘ingiz va hayotingizni himoya qilish uchun , albatta, buni qiling!
SILSILA jamg‘armasi mutaxassislari zo‘ravonlikning har xil turlarini tanib olish va ularni to‘xtatishga yordam beradi. Sizga yoki yaqinlaringizga yordam kerak bo‘lsa biz bilan bog‘laning!